(12)十唱怕老婆(孟姜女调、马灯调)

　　正月画眉咀呷短，怕呀怕老婆。调头唱一段，依哎得勒喂

　　差东差西团团转，差我我宁愿，差我我勿怨，只要老婆肯喜欢，

　　二月白鸽笼里藏，好好小后生，忖忖惶恐相，依哎得勒喂

　　抬来老婆当阿娘，我侬勿肯叫。要打又要骂，只可把侬阿娘叫。

　　三月燕子在廊厢，老婆走邻舍，家中人客来，依哎得勒喂，

　　我侬呒法就去叫，还要被其骂，聊天柄掘断，叫我太婆阿娘作啥去。

　　四月斑鸠飞得高，爬起天大亮，夜桶忘记倒，依哎得勒喂，

　　困到半夜寻架吵，我被打一顿，无人来讨保，忖忖总是气恼早。

　　五月稻鸡早开口，老婆轧品头，眼开又眼闭，依哎得勒喂，

　　呒没办法随其偷，大不起做牛，忖起管管其，杠棍隔头拷七几，

　　六月鹁鸽树下盛，老婆坐树棚，南风欠风凉，依哎得勒喂。

　　空落扇子叫我打，昼过烧昼饭，我侬灶沿盛，热天热水真热猛。

　　七月鹭鸶停沙滩，万关真万关，还要烧早饭，依哎得勒喂，

　　喂猪打狗弄勿惯，吃吃馊气饭，还要讲我笨，呆大只会倒呆饭。

　　八月麻雀停草地，我侬真犯贱，有时劝劝其，依哎得勒喂，

　　好心好意无好报，敲碎新水缸，还要拷锅灶，奔出再去告地保。

　　九月乌鸦半天飞，丈母叫得来，夫妻要分开，依哎得勒喂，

　　阿拉丈母去劝其，阿囡侬听点，介好女婿啦，听我说话勿分开。

　　十月乌鵰做窝藏，10个怕老婆，9个会发财，依哎得勒喂，

　　夫妻恩爱同到老，只要有碗饭，两人拣得开，养儿育女保后代。